大廚巴巴 (已結業)

荃灣一向都出名野食多，特別係路徳圍嗰頭。今日經朋友推介，同另外兩個朋友去荃灣掃街😋😋大廚巴巴喺路徳圍附近，亦有巴士站喺附近，都幾易揾到。去到舖頭，見到有企枱可以比客人買完之後，放低喺到食，但買完最好即食啦，因為位置有限🙈同埋唔好阻到其他食客。我地咁岩有3個人，所以就買左15蚊3舊炸紫薯薯餅，每人5蚊😜點餐後，會比張飛仔你，因為佢係會即叫即炸😍，所以都要等一陣。等左無幾耐就有啦！個紫薯薯餅熱辣辣，特別岩冬天食🍴個皮好薄身，卜卜脆😝外脆內軟，口感唔錯👻不過個size就比預期細份>< 3-4啖已經可以食曬，所以如果肚餓，要預番佢唔係一個可以令你飽肚既小食黎架😛 不過都好值得一試，綿綿既紫薯蓉唔會死甜，反而有好香既紫薯味👍🏼紫薯fans去馬啦😂下次試埋佢其他既小食先！