味雷 (已結業)

今晚放工約左朋友去香港電影資料館看電影，由於時間比較趕，經過太安樓買定野食，見到有紫菜飯卷好吸引大大條都只係三十蚊，太安樓醫肚實在好多選擇，但論方便拎住一路行一路食，飯卷確係唔錯，見現成有唔駛等。買左條吉列豬扒卷，飯卷用錫箔紙包住，凍凍地紫菜仍脆身無淋到，飯卷切成10小件，每件厚度一厘米好整齊，飯粒軟硬適中，但飯捲得不夠平均有點偏側，麻油調味剛好。豬扒大大粒好足料，炸粉都好貼好脆口，配菜有雞蛋、青瓜、紅蘿蔔絲，食起上來口感豐富，一小件一小件食一口確係好味。