21
2
0
等级4
107
0
2020-06-18 2710 浏览
宝彩轩平日下昼系做素食三餸饭,夜晚就会化身成私房菜,啲菜式比午餐华丽好多,当然价钱都会华丽好多啦。8道菜每位$350,另加菜钱$12同加一,每位埋单都要$400架,一齐黎睇下依$400值唔值啦!先黎四道前菜,如果多人黎既话就会有更多款式,图中系二人份量。每样味道都唔错,尤其个蕃茄仔好开胃。不过要注意原来个准山用左蜂蜜整,所以唔系vegan的,真系百密一疏。依个炖汤超正!用左好多靓料,炖出黎既汤味道好浓郁,比起用肉煲既汤实在过之而无不及。曲奇鲜竹做得好精致,好香黑松露味,上面仲铺左啲芝麻同夏威夷果仁碎,增加口感。哗依个叉烧不得了呀!一旧用豆制品做既素叉烧竟然可以做到燶边同半肥瘦既效果,真系大开眼界。依一碟望落以为系竹笋,原来系竹蔗苗。平时竹蔗一般都系用黎搾汁,估唔到佢地既苗系可以用黎做餸,而且仲几清甜。咖喱卷既咖喱系依度自己调配既,用埋左姜黄粉去做。啲绿色既酱系用wasabi做既,一定要点埋黎食先唔会浪费。木瓜用黎做木瓜糖水就见得多,攞黎焗就真系第一次。本瓜上唧满左依度自家调制既沙律酱,焗完之後变左半透明,卖相吸引,味道同微香既木瓜都好夹。薏仁面冇影到就捞匀左,用料唔算特别,不过都几香。
更多
宝彩轩平日下昼系做素食三餸饭,夜晚就会化身成私房菜,啲菜式比午餐华丽好多,当然价钱都会华丽好多啦。8道菜每位$350,另加菜钱$12同加一,每位埋单都要$400架,一齐黎睇下依$400值唔值啦!

先黎四道前菜,如果多人黎既话就会有更多款式,图中系二人份量。每样味道都唔错,尤其个蕃茄仔好开胃。不过要注意原来个准山用左蜂蜜整,所以唔系vegan的,真系百密一疏。
宝彩欢喜拼盘
50 浏览
2 赞好
0 留言
依个炖汤超正!用左好多靓料,炖出黎既汤味道好浓郁,比起用肉煲既汤实在过之而无不及。
御品养心羊肚菌炖汤
39 浏览
0 赞好
0 留言
曲奇鲜竹做得好精致,好香黑松露味,上面仲铺左啲芝麻同夏威夷果仁碎,增加口感。
黑松露千层曲奇鲜竹
40 浏览
0 赞好
0 留言
哗依个叉烧不得了呀!一旧用豆制品做既素叉烧竟然可以做到燶边同半肥瘦既效果,真系大开眼界。
招牌即烧厚切叉烧
48 浏览
0 赞好
0 留言
依一碟望落以为系竹笋,原来系竹蔗苗。平时竹蔗一般都系用黎搾汁,估唔到佢地既苗系可以用黎做餸,而且仲几清甜。
法边豆竹蔗苗
37 浏览
0 赞好
0 留言
咖喱卷既咖喱系依度自己调配既,用埋左姜黄粉去做。啲绿色既酱系用wasabi做既,一定要点埋黎食先唔会浪费。
酥炸黄金咖喱卷
38 浏览
0 赞好
0 留言
木瓜用黎做木瓜糖水就见得多,攞黎焗就真系第一次。本瓜上唧满左依度自家调制既沙律酱,焗完之後变左半透明,卖相吸引,味道同微香既木瓜都好夹。
麻香珍珠焗木瓜
33 浏览
0 赞好
0 留言
薏仁面冇影到就捞匀左,用料唔算特别,不过都几香。配埋佢地自制既辣椒酱,够哂惹味。但食到依到其实真系已超饱,所以只系浅嚐左少少,然後就打包左返屋企。因为一早知私房菜九成都系会饱到上心口,所以一早带定左个盒黎,为环保出一分力。

健康薏仁面
32 浏览
0 赞好
0 留言

最後上埋甜品,腰果露好浓郁,而且好滑唔会有粒粒,甜度又适中,做得几好。
生磨腰果露
30 浏览
0 赞好
0 留言

店家可能都知大家会食到好饱,所以食到中段果阵拎左个红石榴酵素令我地易啲消化,饮完仲可以refill,服务周到。依度既餐牌每个月都唔同,经理仲打趣叫我地每个月黎一次。$400一次虽然对我地黎讲系有少少贵,不过论返食物质素环境同服务,其实系物有所值,大家想试下私房菜都可以黎呀。
红石榴酵素
28 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食