簡單主意 (已搬遷) 新店位置

簡單主意有提供4款素食定食，每款定食都會包主食、沙律、白飯同麵豉湯。落單係用QR code，揀完定食後仲可以選擇口味，例如走蛋、走洋蔥、走西椒等。一般店舖嘅麵豉湯都含有魚嘅成分，但呢到嘅麵豉湯冇魚、肉嘅成分，所以素食者都可以享用。素之午市定食野菜天婦羅定食 ($76)天婦羅有茄子、紫薯、南瓜、冬菇、翠玉瓜等，我未食過翠玉瓜天婦羅，口感幾得意。天婦羅外表香脆，完全唔油膩。整體味道唔錯，唯一不足係天婦羅定食需時製作，我哋去嘅時候咁啱撞正lunch time，同埋廚房好似得1位廚師，所以我都等咗大約20分鐘先有得食。如果趕時間，炒嘅主食會比較快。