丸十あぶり牧場 (已結業)

今日見到app有特價時段優惠，所以就去試下佢d燒嘢食質素。呢排可能近萬聖節，有xo同sofu蛋做牆紙同裝飾，都幾得意。但食店就梗係最重要係d食物質素同價錢la。今次主力係食佢d牛，叫左宮崎菲力牛排，和牛橫隔膜，巴西牛舌，牛腹肉，菜，日本菇。如果按佢個價錢，份量就一般la，兩個人如果係正價要800蚊呢個份量。味道就宮崎牛最好，肉質軟，有牛味，有油香。牛橫隔膜比較瘦，但燒完都唔算鞋。牛舌就切得太薄，口感差d，牛味唔突出。牛腹肉醃得幾入味，可以一試。菜就幾新鮮，不過唔係好似韓燒咁附送。菇就牛油味幾香，但無乜芝士味。