珺

营业中

休息中

近年都推崇环保回收，减碳生活，可持续发展，就连饮食都唔例外，外国嘅beyond meat 未来肉亦开始流行起来，香港茹素嘅餐厅愈来愈多，但好似呢间主打中法fusion 素菜嘅珺应该系第一间。呢度嘅每一逆道菜无论卖相、味道，都令人眼前一亮，系素菜之中fine dining 嘅代表。坐低冇耐，店员就奉上小食，系佢地自家制嘅腰果，外面嘅糖粉有姜糖嘅味道，咬入口亦都好松脆。啲炸粉仲要系劲薄，冇谂过茶树菇炸完之后都可以keep到菇既形状，底部仲有啲薯蓉支撑着，咁菇可以垂直企喺度，构成一个好靓嘅图案鲜花椒麻凤尾虾虾肉非常弹牙，配上麻辣嘅外皮令人愈食愈上引。咬开一半俾大家望吓，其实同真虾嘅色水系差唔多呢度嘅素羊肉都系非常之出色配上意大利青瓜，有两种颜色分别绿色同黄色口感就有啲似面筋嘅质地君子炒饭炒得粒粒分明，而且每一啖饭都渗出淡淡嘅黑松露味。莲子露系第一次试，味道似莲蓉，但质感就似芝麻糊、杏仁露，莲子露入面仲有原粒莲子丰富咬感。