初心 (已結業)

路經灣仔正值午餐時間想搵嘢食，見到呢間鋪頭叫「初心」，因為個名我決定去幫襯下。哈哈！下午人流唔算多，睇食評知道佢有Omakase 食，不過午餐就咁食個飯算啦。午餐由$148至$288不等，見到有個「純血和牛大盛」（$238），上網睇吓原來純血和牛係澳洲和牛中最靚嘅一種，比起純種和混血都高級，因為佢係用純日本公和牛同埋純日本母和牛所培育出嚟嘅牛種，所以純血和牛數目相對少，咁一定好食啦！好快就有得食啦，和牛之上有洋蔥絲、蔥粒和酸薑配搭。果然不令我失望，和牛好腍好軟，而且好Juicy, 份量都唔少，加埋佢個汁簡直一流！