Flamingo Bloom (已結業)

呢間野紅鶴做主題嘅飲品店，一直已經想來，每次經過附近都會見到好多人拎住隻紅鶴走來走去，好有特色。 原來尖沙咀分店已經開幕，今日經過見到唔太多人，就過嚟朝聖一下。 外面仲有露天位置，好適合客人靜靜地傾吓計飲番杯野。 店內有個好colorful嘅油畫圖，感覺好似置身係森林之中，好sharp呢。 還有一罐罐不同的茶葉。 茶類有四種：黑茶-胎菊普洱、綠茶-茉莉毛尖、高山-油切烏龍及紅茶-四川碟蘭，可配搭各款生果、玫瑰及珍珠等等，每款也有冷熱之分。 蜜糖啤梨綠茶 $39原來熱飲嘅杯子係粉紅色，望到已經覺得好靚，再嚐一口，啤梨味香濃而且帶點甘甜，配合蜜糖令到整杯感覺很滋潤，加上綠茶感覺不會太甜，冬日飲番一杯真的暖暖，因為杯子是高身的關係，所以飲品份量好多，飲好耐都未飲得晒。 紅鶴水泡加＄15就可以拎走啦。 Bubble Waffles (雙球) $49賣相好靚，雞蛋仔不是平時吃到外層脆脆的，而是入口鬆軟的感覺，蛋味亦香濃，雪糕有幾款味道可揀，我揀了綠茶和朱古力，綠茶的奶味香濃，整體感覺就好似食緊pancake一樣。估唔到熱飲都咁好飲，仲有埋雞蛋仔食，見到聖誕套裝有曲奇添，可能遲啲會更多新元素。