故鄉俱樂部

睇完龍舟去check-in, 問人點找間店, 去到附近已經見到條人龍!! 果然名不虛傳!!

勁多人排隊呀!!!

叫了4個紅豆餅, $18, 真材實料一粒粒紅豆, 軟硬適中, 連我個1歲半bb食到唔停!! 食落唔太甜, 証明無勁加糖, 份量又足, 食了2個已有滿滿地既感覺, 很滿足

紅豆餅好足料, 又唔太甜!!

另叫了1個蟹籽壽司, 香腸壽司, 蟹籽就一般水準, 反而係香腸有驚喜 初時以為半條香腸, 點解食到一半仲有既!! 食到尾尖終於見到個腸尾喇(太肚餓唔記得影相添)

蟹籽壽司

埋單總共$39, 抵食!!! 下次來長洲再食過!!! 唯一唔好就係太多人排隊, 所以整定同包定4個紅豆餅, 唔係o甘熱~~