辣得棧海鮮火鍋專門店 (已結業)

打邊爐唔係淨係冬天嘅專利黎架，夏天都可以~ 🤪前排見到辣得棧海鮮火鍋專門店有好多好評，所以我地都決定去試下佢~ 佢地平日都算full，所以記得要預早book 枱啦~😋我地叫咗個精選二人火鍋套餐，入面包括海鮮類、肉類、手工肉丸同蔬菜類，我地特別鍾意佢地嘅海鮮因為全部都好新鮮多汁🥰，就算唔洗加任何調味料都可以試到佢海鮮嘅鮮味~🤩湯底方面我地選擇咗麻辣湯同清湯，麻辣湯我地揀咗中辣，但呢個辣對於我地黎講真係幾辣，因為我地試完個麻辣湯嗰咀就即刻變到紅卜卜咁🤣~ 而清湯都好美味，我地特登order 清湯用黎淥海鮮，咁就可以試到海鮮嘅鮮味啦😍~我地都留意到佢有個新張優惠，只要HK$198 就可以試到象拔蚌刺身，呢個價錢真係超值🤓；佢地嘅象拔蚌刺身好新鮮彈牙，十分美味，食過一次應該會即刻愛上象拔蚌刺身~🥰