影片
更多
2024-02-05
2160 浏览
好耐无探过邵师傅，上次去红棉已经系成年前，难得有朋友搞唔驶安排写菜咁好嘅局，当然帮下手安排约人食饭。邵师傅真心有难得嘅魄力，我唔够胆讲食个红棉好多次，但食过四五次后，基本上今次全个menu不单系新，仲要好出色，呢个冬季menu，绝对系近来我好喜欢邵师傅嘅一个Menu之一。最好嘅系，之前食咁多次好似都冇写过，今次写下啦。前菜以前我好喜欢佢整嘅濑尿虾，今次系椒香葱油酸姜阿拉斯加蟹配芥末儿菜，净系个主角阿拉斯加蟹已经够劲，佢今次嘅味觉强劲好多，当然有佢嘅拿手椒香好戏，加上葱油更加香，再加上酸姜嘅冲击，同淡淡微凉的芥末儿菜，完全系精彩示范。鲜螺头甲鱼清汤又系非常好，首先甲鱼系非常补嘅，个汤加上螺头之后更加之细致，但最紧要系好清好甜。主菜黄焖一品烩系一个丰富到不得了嘅菜式，大条嘅海参，鸡汤，加上旁边轻轻炸过嘅燕窝，你食得出大师嘅细腻同佢嘅手工工价，记得上次朋友搅局都有食过一个差唔多嘅菜式，但系今次upgrade同进步咗。相对简单嘅鱼香虾球带子，但味道其实几好，而且好靓，只带子应该系刺身级。柠檬叶烩珊瑚黄花鱼柳件鱼真系好大旧，佢件鱼加上左虾胶同蟹黄，清新嘅柠檬叶加上点点嘅汁，呢件真系好好食，味道好
好耐无探过邵师傅，上次去红棉已经系成年前，难得有朋友搞唔驶安排写菜咁好嘅局，当然帮下手安排约人食饭。
邵师傅真心有难得嘅魄力，我唔够胆讲食个红棉好多次，但食过四五次后，基本上今次全个menu不单系新，仲要好出色，呢个冬季menu，绝对系近来我好喜欢邵师傅嘅一个Menu之一。最好嘅系，之前食咁多次好似都冇写过，今次写下啦。
前菜以前我好喜欢佢整嘅濑尿虾，今次系椒香葱油酸姜阿拉斯加蟹配芥末儿菜，净系个主角阿拉斯加蟹已经够劲，佢今次嘅味觉强劲好多，当然有佢嘅拿手椒香好戏，加上葱油更加香，再加上酸姜嘅冲击，同淡淡微凉的芥末儿菜，完全系精彩示范。
鲜螺头甲鱼清汤又系非常好，首先甲鱼系非常补嘅，个汤加上螺头之后更加之细致，但最紧要系好清好甜。
主菜黄焖一品烩系一个丰富到不得了嘅菜式，大条嘅海参，鸡汤，加上旁边轻轻炸过嘅燕窝，你食得出大师嘅细腻同佢嘅手工工价，记得上次朋友搅局都有食过一个差唔多嘅菜式，但系今次upgrade同进步咗。
相对简单嘅鱼香虾球带子，但味道其实几好，而且好靓，只带子应该系刺身级。
柠檬叶烩珊瑚黄花鱼柳件鱼真系好大旧，佢件鱼加上左虾胶同蟹黄，清新嘅柠檬叶加上点点嘅汁，呢件真系好好食，味道好多层次，好有特色，绝对食到师傅嘅心机。
全晚最得我心嘅一定系咖喱香酥美国牛小排，首先个美国牛小排系炸得非常完美，长方形嘅牛小排肉质同密度都堪称完美，最重要系个咖喱汁，大家都知道小师傅曾经喺印度做过一段时间，所以佢系对咖喱好有研究，而呢个咖喱味道适中，唔系好辣，而且带甜系近北方咖喱嘅色彩，好味道我哋要再加饭送个咖喱汁。
香煎腊味糯米饭拌蔬菜绝对系精彩，长方形嘅香煎腊味糯米饭，外层煎得脆香，虽然食到呢度已经好饱，但系都冇剩，炒糯米饭见得多，要做得好食唔容易，呢个做得好食仲要咁有特别，系好值得欣赏嘅。
甜品系未见过嘅状元茶汤丸、云腿酥，个人觉得云腿酥好特别，当然仲要加上佢嘅芝麻卷同山楂卷，呢个系每次都要食嘅邵师傅signature 。
食完即刻想搅番局，有冇兴趣？
张贴
