芳姐糖水小食

🧊糖水小店自家製湯丸🧊
-
太子區食糖水既舖頭唔算多，芳姐糖水入面雖然選擇唔多，但主打港式野例如紅豆沙、綠豆沙、麥米粥、白果腐竹雞蛋糖水等等，偏家庭式小店。

糖水價錢超抵，由$21-30不等。蕃薯糖水($21)，薑汁夠濃，蕃薯比得超足，舊舊都煲到好軟綿，唔需要任何花巧野已經好好食，喱個價錢黎講絕對收貨！

值得一試既係佢既湯丸($3/粒)，一上枱見佢好大粒，以為係煲完浸太耐發漲左😂，點知食落去別有洞天！居然係紅糖白芝麻餡，香甜得黎好有芝麻香，好特別！湯丸係芳姐自己包既，如果黎既話記得要試試佢🫶。