S2 Kitchen (已搬遷) 新店位置

呢日同朋友庆祝生日，去左一间位于中环嘅日本餐厅。呢间餐厅嘅食物卖相全部都好精致，而且味道都相当唔错喔～温泉蛋沙律沙律菜新鲜爽脆，沙律汁酸酸甜甜，配上温泉蛋，味道增添左一份香浓嘅感觉。刺身三文鱼鲜味爽口，配上海藻同海葡萄一齐食，味道层次就更丰富啦～另外一款鱼刺身配上黑松露酱一齐食，味道好香浓。海胆天妇罗第一次食呢道菜，海胆味道都几鲜甜，外脆内软嘅口感非常特别。天妇罗寿司卷馅料有吞拿鱼腩，所以食落充满油香味。寿司外层炸得脆脆的，口感层次丰富，好食！吞拿鱼碎多士吞拿鱼好香，同沙律酱味道好夹，加落多士度一齐食，感觉好特别。柚子乌冬散发出淡淡柚子香味，乌冬软滑，味道不错喔！柚子芝士饼味道好清新，口感幼滑，感觉好似食紧雪糕咁，好好食！😻另外值得一赞嘅系老板会买啲香港好少见嘅酒提供俾客人饮，我地今次饮嘅紫苏梅子酒味道真系好特别，梅子味好浓郁呀！想同朋友饮返两杯，品尝下色香味俱全嘅日式小菜，黎呢间餐厅都系一个唔错嘅选择。