Paper & Coffee

营业中

休息中

大学饭堂永远同颓can划上等号，餐牌选择永远离唔开萤光汁猪扒饭，粟米肉粒饭，烧味，午餐肉，既唔健康亦无趣味。Paper & Coffee其实系brew note旗下分店，为大学生活带来一抹新既朝气，为懂咖啡同enjoy咖啡既朋友系S记P记以外，为同学同Staff奉上有质素既食物同咖啡。店内环境舒服，空间阔落，不过亦因为受欢迎，所以某D时段会十分多人。Cafe经常扮演孕育革新，创新，交流独立思想既角色，其实其他大学应该要引入更多同类cafe，带来更多创新既土壤。食物方面选择唔多，主要都系旬之菜饭同牛肉乌冬，味道简单清爽，但相对健康同自然。而作为一间Cafe, 当然系各种既咖啡啦，house brew, flat white, cappuccino, mocha, cold brew....值得一赞既系佢提供虹吸咖啡，让人可以享受当造咖啡豆既果香同甘甜。今次饮既系黎自肯亚水洗咖啡豆，系淡淡既带著提子干同甘蔗香味，饮既时候记得咖啡系会随温度变化而散发唔同既香味，所以记得唔好心急慢慢品尝，但人少既时段barista都会好友善地介绍番只咖啡既特性，值得一赞。