鮨燐

营业中

休息中

今次有幸去咗尖沙咀呢間話題新店「鮨燐」食飯，一踏入門口已經feel到濃濃嘅日式氣氛。師傅喺吧枱後面專注準備緊新鮮食材，成個環境都充滿住日式禪意。今次嘅Omakase全程都係用上日本直送嘅頂級食材，每樣菜式都係師傅用心炮製。前菜嘅慢煮鴨胸同金皮蓮藕已經話你知呢餐嘅水準，配埋柚子八爪魚子，層次感十足。接住就開始進入重頭戲，四國得島嘅生蠔配柚子啫喱清新可口，浜見獅魚腩兩食更係玩得好有新意。燒灸嘅做法將魚嘅鮮味發揮到極致。淡路島針魚配薑蔥醬油醬，簡單配搭卻又夠晒驚喜。壽司部分更加係一絕！中拖羅配紫蘇葉同淡雪鹽，魚肉油香濃郁；燒大拖羅加日本蔥同紫菜，香氣四溢；金雕魚立倫燒嘅魚汁香濃得嚟又唔會太重。每款壽司嘅米飯都係師傅精心調味，軟硬適中。至於北海道馬糞海膽同牡丹蝦都係新鮮到爆，甜味十足。最後嘅麵豉湯用三款自家製麵豉調製，味道層次豐富又唔會太鹹，完美為呢餐畫上句號。無論係食材定烹調技巧都係一流水準，雖然價錢唔平，但以呢個質素同享受嚟講絕對值得！推介俾想試高級日本菜嘅朋友。