海鍋手工涮涮鍋 (已結業)

一直都對手工唰唰鍋好有興趣，今日得閑就同朋友一齊去試吓。餐廳嘅環境都幾舒服，坐嘅位置好闊落同埋唔會太嘈，感覺上會舒服啲。首先就叫咗飲品先，我就叫左特色手工茶，同埋一杯草莓沙冰，兩款嘢飲份量都非常之多足夠我哋食完火鍋都未飲晒。手工唰唰鍋最出名嘅就係手工製作同埋自家製作嘅食物，同其他火鍋嘅食物更加細緻同埋好食。今次就散嗌叫左一份手工墨魚丸，一份手工鳥結糖同埋半份牛肩肉，湯底就試咗喇沙湯底同埋泡菜湯底。牛肩肉嘅份量都幾多同埋質素好高，食落去入口好滑添之後就加左一碟雞同埋一份響鈴，響鈴真係好好食!!好新鮮又大份，真係食到超級飽。最鍾意就係打邊爐可以慢慢食同埋可以好多時間傾計。餐廳仲要好貼心有USB 叉電位比我地叉電方便我哋可以一路傾一路食一路玩電話。如果一大班朋友過嚟嘅話就啱晒啦。