影片
更多
2024-11-30
148 浏览
當人人都以為齋菜好死板食唔飽，呢間餐廳絕對會顛覆你對齋菜嘅想像。餸菜由廚師發辦，菜式新穎、味道好食、擺盤精緻，特別值得一提係上菜嘅時候連碗/碟都係熱嘅，食得出、睇得出、仲摸得出係好畀心機嘅餐廳。 ✦ 如意卷千色拼盤有日式壽司、中式皮蛋同仿肉、西式沙律，顏色豐富。 ✦ 香草百寶袋 東南亞系嘅冬陰功湯底，味道香濃。腐皮入面放咗切好嘅粟米、菇、瓜、豆腐等，索晒啲湯，非常開胃。 ✦ 照燒釀大啡菇 大啡菇好多汁，每咬一啖都漏出嚟。釀入去嘅仿肉感覺似豬肉，將整體口感同味道提升。 ✦ 芝香五穀糍粑 嗅覺味覺都充斥好香嘅穀物味，糍粑入面夾住紅棗乾，上面配搭芝士，整體味道層次豐富、口感煙韌。 ✦ 藥膳翡翠包比起翡翠包，我更想讚個藥膳湯，未上菜已經聞到非常香。翡翠包入面包住粉絲同素菜粒，菜式精緻。 ✦ 姬松茸雪梨養生湯甜甜嘅雪梨平衡整個咸咸嘅湯，濃郁之餘冇味精，飲完喉嚨舒服，感覺清潤。 ✦ 椰香咖喱素雜錦配黃油法包 特別需要提及嘅係素豬肉丸真係以假亂真，無論味道定質感都好似真肉。咖哩嘅椰香味重，配法包幾好。 ✦ 香椿花錦繡配藜麥飯 我 好 鍾 意 個 飯，好有咬口，又帶香味。素菜種類多、味道濃、熱辣辣，啱
✦ 如意卷千色拼盤
有日式壽司、中式皮蛋同仿肉、西式沙律，顏色豐富。
✦ 香草百寶袋
東南亞系嘅冬陰功湯底，味道香濃。腐皮入面放咗切好嘅粟米、菇、瓜、豆腐等，索晒啲湯，非常開胃。
✦ 照燒釀大啡菇
大啡菇好多汁，每咬一啖都漏出嚟。釀入去嘅仿肉感覺似豬肉，將整體口感同味道提升。
✦ 芝香五穀糍粑
嗅覺味覺都充斥好香嘅穀物味，糍粑入面夾住紅棗乾，上面配搭芝士，整體味道層次豐富、口感煙韌。
✦ 藥膳翡翠包
比起翡翠包，我更想讚個藥膳湯，未上菜已經聞到非常香。翡翠包入面包住粉絲同素菜粒，菜式精緻。
✦ 姬松茸雪梨養生湯
甜甜嘅雪梨平衡整個咸咸嘅湯，濃郁之餘冇味精，飲完喉嚨舒服，感覺清潤。
✦ 椰香咖喱素雜錦配黃油法包
特別需要提及嘅係素豬肉丸真係以假亂真，無論味道定質感都好似真肉。咖哩嘅椰香味重，配法包幾好。
✦ 香椿花錦繡配藜麥飯
我 好 鍾 意 個 飯，好有咬口，又帶香味。素菜種類多、味道濃、熱辣辣，啱晒送飯。
✦ 馬拉芥蘭苗
新鮮，又炒得香。食到飽一飽，食返個菜啱啱好。
✦ 石榴桃粒果凍 鮮磨合桃糊
好 好 食， 果凍嘅石榴味好出同時又冇掩蓋桃味，兩者成功二合為一，口感煙韌。合桃糊好厚身，又滑溜，又香。
食齋嘅屋企人食得好開心，而即使平日唔係食齋嘅我哋都食得好滿足。另外值得一提嘅係，餐廳侍應態度好好，而且枱與枱之間有屏風隔住，私隱度高。
张贴
