點饌 (已結業)

中午去石門工作，之後同同事去了京瑞廣場食午餐，這間位於商場2/F的點饌，這間點心店係轉角位，比較難發現，所以人流不算多。餐廳的點心花款比酒樓少，但勝在精緻及高質。彩雲蝦餃的蝦餃皮是有幾款顏色，裏面蝦肉爽彈，而且整個脹卜卜。鮑魚燒賣是一道富貴的點心，鮑魚仔有五蚊銀咁大，鮑魚肉腍，燒賣蝦肉多豬油少，食落淡淡肉。炸雞翼雖然好似好普通，但係炸得外脆內嫩，而且不會油淋淋，配上蜜糖甜甜地，幾好食。鳳梨小金雞外型可愛，外皮焗至金黃色，其中一隻坐在椰絲面，外皮鬆脆，裏面的菠蘿餡有菠蘿肉絲而且不會太甜。