雅 ‧悠蔬食

营业中

休息中

原來我收藏左呢間餐廳好耐㗎啦！嗰日咁啱同個食素嘅朋友出去食飯，咁啱就搵返呢間餐廳就即刻book咗位去啦～揀咗好耐最後都係揀咗蔬菜千層麵，入面有好多唔同種類嘅蔬菜啦，芋頭啦南瓜啦菇啦等等等等。食落非常有口感而且都真係幾飽肚，不過切得比較大粒，食嗰陣時會跌出嚟哈哈～另一個主菜叫咗泰式紅咖喱配薄餅，非常驚艷！呢個整得非常好食，椰汁同咖喱嘅比例平衡得好好，入面超級多蔬菜，而且個薄餅熱辣辣食嘅時候真係勁好味，仲跟咗一個小小嘅糯米飯，非常豐富，非常回味。紅棗杞子雪耳茶全部都係用新鮮材料去焗，一啲都唔甜因為冇加人造糖，紅棗嘅甜味已經可以令到成和野非常好飲。甜品叫咗人人都會帶嘅椰汁紫薯千層蛋糕，但係唔知點解食落比較似香芋嘅味道，不過千層皮整得好薄，同cream比例剛剛好，加上最愛嘅紫色，吸引死人。豆腐花果凍加芋元，個底係薑汁，冬日至愛。