利強記北角雞蛋仔

营业中

休息中

同男朋友去完北角匯行街，突然覺得好肚餓，於是去左買雞蛋仔，當時有5-6個人排隊。而家賣$19一底，加$9就有2底，我地當然買2底啦。對上一次食大約幾年前，當時仲係$17。舖頭貼左好多相同埋獎狀，其中包括米芝蓮推介美食😋雞蛋仔即叫即整，保持新鮮，拎上手保證熱辣辣。等左15分鐘終於到手。雞蛋仔好香，外皮脆卜卜，入面煙煙”un un”。就算返到屋企凍左都好好食。我最鍾意旁邊既蛋皮，十分酥脆，不愧為米芝蓮推介！