前菜方面有漬茄子同茶碗蒸。
個人非常熱愛食茶碗蒸，任何蛋類製品我都有莫明嘅喜愛。漬茄子味道可口，加埋木魚絲真係一流。
我點嘅三色丼，有超多海膽、超多三文魚子同超多Tuna蓉
真係未見過一個丼飯有咁多海膽喺面，超級意外
個wasabi係由新鮮山葵磨成，同溝粉嗰啲差好遠，新鮮山葵磨成嘅落多多都唔會好攻鼻
同事order嘅魚生飯，又係超多料
喺我非常飽嘅時候，先知原來個定食仲有一細碗嘅蕎麥麵或者烏冬，雖然好飽，但照係成碗食哂
最後再嚟一個芝麻雪糕
黑芝麻味好香、好濃😂都係嗰句，雖然好飽，但依然係成個食哂
店內嘅裝修完全唔需要講，高檔路線，坐得適服，服務又懇勤，物有所值呀～
