1
/金箔銀稔千層豆腐 $108/
作為前菜唔錯，豆腐好滑，豆味濃郁，加埋olive sauce 食落酸酸甜甜好似梅子醬咁，味道幾特別好開胃👌🏻
/香酥蜂巢芋角 $72/3pc/
芋角好鬆脆，平時酒樓食好多時都正係食到一舊粉咁，但係黎個真係食到芋頭味🥰
/黑毛豬鹹水角 $68/3pc/
有冇人同我一樣係鹹水角迷😍真係好鍾意佢嘅質地同埋鹹鹹甜甜嘅味道💯黎個鹹水角又真係幾好食，皮薄，外脆內煙韌☺️
/紅米藍天使脆蝦米腸 $98/
黎個米腸有驚喜😳見到賣相已經覺得好特別，成條粉紅色好靚，食落有啲似炸兩，加埋蝦粒味道好夾，極力推介👍🏻
/即焗原隻鮑魚雞粒酥，陳年普洱 $88/
講真食完天龍軒個個係真係返唔到轉頭嘅😂🙈但係以黎個價錢黎講都算係咁啦🤭個人覺得雞粒嘅份量太多，搶左鮑魚嘅鮮味，旁邊嘅普洱茶我真係唔識欣賞🌚超苦🥲好似飲緊涼茶咁....
/至尊蜜汁叉燒 $298/
又係一個冇得同天龍軒比嘅菜色🙈如果以份量黎講佢係多啲，但係佢薄過天龍軒個個好多🥲同埋佢嘅蜜汁味道唔係好濃🙈叉燒有筋嘅部位都比較多🤔我食3塊得一塊個口感係一流🥲
1
/甜夢仙境 $118/
真係名副其實嘅仙境😂打卡一流💯黎個甜品盤有4款甜點，燕晶凝(食落係楊枝甘露味)、黑白芝麻凍布丁、杞子桂花糕、椰汁抹茶馬豆糕，我覺得全部都好食，款款味道鮮明唔會得甜味！
1
/燕窩葛仙米燉雪梨 $108/
養生之選🤭全部都係即叫即燉🥰非常清甜解渴👍🏻第一次聽葛仙米🤔佢係藻類黎，據說含豐富蛋白質🥰食落有啲似珍珠，黎個配搭唔錯，仲有燕窩係雪梨入面ga😌
整體黎講，食物質素還可以，冇話好驚喜，服務就一般，全餐飯冇人黎加過茶🌚同埋上每樣嘢食之前有個簡單嘅介紹會更加好🤔
