小草十八怪石鍋米線 (已結業)

前幾日同朋友行過旺角見到呢間小草十八怪石鍋米線，見到價錢唔係貴，又諗唔到食咩嘅情況下就入咗呢間餐廳，估唔到性價比又幾高，而且幾好食又可以自己煮下，幾過癮！叫咗兩個石鍋米線，一個六餸，一個三餸，注意返原來要六個餸以上先可以自己煮㗎！◽️封門牛肉、翡翠苗、十八怪照通炸醬、五香辣豬軟骨、紅燒牛肚，大腸湯底: 柴火麻辣湯封門牛肉就比較失色，好普通，你當佢普通牛肉咁會好啲。翡翠苗同十八怪照通炸醬強烈推薦！翡翠苗唔多地方可以食到，值得一試。另外佢嘅炸醬肥瘦比例適中，好惹味有特色！絕對唔係平時食米線嗰種普通炸醬！至於個湯底都好夠味，但唔食得辣真係唔好試！◽️黑毛豬豚肉片、翡翠苗，蟹柳湯底: 火腿瑤柱肉骨湯我比較懶，就算有得揀自己煮我都會揀成碗上😂豚肉片同蟹柳都係正常野無乜特別，不過個湯底就好夠味，真係會想飲多兩啖。餐廳要上一層，比我想像中靚同坐得舒服，而且價錢唔貴，兩個餐連飲品都係$131，絕對值得再去！