「番茄湯+手打雞肉丸+手工元貝鮮肉餃+炸雞翼」絕對係絕配！
湯底飲得出用新鮮番茄熬製，濃郁得嚟帶天然酸甜，唔係茄膏死鹹味。最驚喜係自家手打雞肉丸，咬落去彈牙有肉汁，同番茄湯超級夾！炸雞翼炸得金黃脆身，肉質保持嫩滑。手工元貝鮮肉餃皮薄餡多，豬肉餡調味恰到好處。轉咗菜底($5)都好豐富，有娃娃菜、芽菜同木耳，健康得嚟唔會寡。
「花膠雞湯米線」係矜貴之選
湯頭呈奶白色，飲落超濃郁。配埋雜錦十款配料，由豬腩肉到魚肉春卷都有，每啖都唔同口感。
我地仲加咗蜜瓜同提子梳打，比較少喺米線舖見到，解膩一流。
晚市時段坐得舒服，上菜速度快，員工態度親切。兩個人食到飽飽都係$204，以今時今日嘅物價真係好抵食！已經bookmark咗下次要試佢哋嘅麻辣湯同豚角煮～
10
