漢城美食 (已結業)

好耐之前發現左依間餐廳啦... 後來先知原來尖沙咀都有分店。不過佐敦就無尖沙咀咁多人，小區感覺其實舒服 d~第一次食果陣係因為以前行過見無乜人食，就入去試下啦~ 點知又幾好食喎，食左幾次之後見佢關左門，我仲以為執左添... 後來又開番，原來只係裝修。裝修完又真係多左人去，越做越旺，唔好執呀... 佐敦無乜好食o既韓國餐廳架喇......簡單講啦... 牛肋骨係招牌，佢放嚮餐牌第一位就知啦~ 超好味~ 炒粉絲、年榚都好味~ 前菜o既蘿蔔及泡菜亦好味，我喪叫 refill 添......店員好似係韓國人，唔識講英文，不過有兩個識講普通話喎~