上到黎見到勁多人，入門口見到門口櫃放左好多board game，可以比客人慢慢玩。餐廳裝修簡約，乾淨整齊，全部都係梳化位。地方闊落，坐得好舒服。
呢度有散叫同set dinner，另外套餐加$38就有沙律同蛋糕，勁抵食。
沙律：洗得乾淨，爽口，再配上日式麻醬，好fresh呀!
黑松露帶子鮮菌會意大利飯：超多帶子同菇，好香黑松露味道，意大利飯濕潤黏口，調味剛好，唔錯。
煙三文魚忌廉蕃茄醬扁意粉：煙三文魚卷成花有驚喜，配埋酸酸嘅蕃茄醬汁，更加醒胃，整體味道好好。
飲品：朋友叫左特濃朱古力，我就叫左oreo曲奇奶昔，兩杯都鋪滿cream，好吸引，甜度剛好，好好飲。
蛋糕：法國朱古力蛋糕口感軟綿，而紐約芝士口感就比較實正同細滑，兩款蛋糕唔會太甜，都幾好味。
