Ohayo

咁啱喺海港城行街, 見到呢間新餐廳就試下啦
我地係星期四夜晚8:30pm左右去, 唔使排隊~ 


Ohayo 珍寶安格斯牛肉漢堡包
個漢堡包好巨型, 安格斯牛肉漢堡扒好厚! 再加埋塊菠蘿成個口感都好fresh

薯條都熱辣辣, 幾香口

Ohayo 蜜瓜雪山熱香餅
蜜瓜上面係梳乎厘pancake 再加雲尼拿雪糕同蜜糖星星, 呢個配搭十分有趣
雲尼拿雪糕同蜜糖星星係正常發揮, 梳乎厘pancake非常鬆軟, 蜜瓜都好甜
唯一要彈下嘅就係蜜瓜喺下面都幾難筆~好難可以一啖食晒咁多樣嘢~~

Overall 覺得食物質素都唔錯
set dinner大概百幾蚊都有, 價錢喺海港城黎講都算合理
座位幾闊落, 坐得好舒服, 仲望到海景, 好啱平時食tea傾下偈~~