南記粉麵 (愛定商場(H.A.N.D.S) N區)

营业中

休息中

一個人行商場，飢腸轆轆又未夠鐘食晚餐，唯有搵間餐廳食個簡單下午茶餐。餐廳好大座位都多，有卡位和4人枱，要係入口到先嗌餐付款，之後聽號碼去自己取餐，十分方便。呢度茶餐有好多選擇和配搭，包凍/熱豆漿，如果要奶茶咖啡果啲就要加三蚊。我嗌了個牛角包夾炒蛋配招牌春卷，招牌春卷有2條。（$26）炒滑蛋唔錯，招牌春卷唔會太乾，熱豆漿唔會太甜，整體來講唔錯。如果想食飽啲可以食粉麵餐，但因為約左朋友食晚餐要留肚，唯有下次再試吓。