影片
更多
2012-05-06
7 浏览
今日做完gym，諗住周圍搵下食，睇完OR都諗唔到食乜好，唯有左逛逛右逛逛，終於行過間門口裝修好有日本feel的魚生專門店，9:30pm後6折仲要掛上築地個名 ，姑且試試啦。終於點左個築地四色丼，四色分別是甜蝦、三文魚、魷魚、帶子。等食物其間唯有影下相啦，店內都充滿日本風味。一等再等，等完又等，追都追左兩次……結果！漏單!?等左30分鐘先話我聽漏單，唉!!!等左起碼45分鐘先o黎到個魚生飯，唔緊要我好快就調整好心情準備開餐(我唔想因為心情影響到我既胃口，我EQ都幾高下haha)。睇落的確唔錯，漬物好弱唔入味; 味噌湯好濃味噌味而且裏面有大量肉碎，整體夾得好好，但亦都係全個定食唯一值得表揚既物。溫泉蛋!?真係唔係咁buy….除左佢外表似隻煮過既蛋之除，我唔係好分到佢同隻生蛋有乜分別 lor……….入正題，魚生飯d魚生都冇乜問題勉強都算唔錯，三文魚d油反晒光咁，都幾肥美、甜蝦帶子刺身亦幾鮮甜、魷魚不過不失啦。但最失敗始終都係飯，好硬，醋味嚴重不足，食落口完全唔似珍珠米，令人失望。如果要讚都仲有野可以讚下既，就係Wasabi，味道好純唔太辛辣，裏面有很多”籽”，如果話佢地真係有用山葵磨成Was
今日做完gym，諗住周圍搵下食，睇完OR都諗唔到食乜好，唯有左逛逛右逛逛，
終於行過間門口裝修好有日本feel的魚生專門店，9:30pm後6折仲要掛上築地個名 ，姑且試試啦。
終於點左個築地四色丼，四色分別是甜蝦、三文魚、魷魚、帶子。
等食物其間唯有影下相啦，店內都充滿日本風味。一等再等，等完又等，追都追左兩次……結果！漏單!?等左30分鐘先話我聽漏單，唉!!!
等左起碼45分鐘先o黎到個魚生飯，唔緊要我好快就調整好心情準備開餐(我唔想因為心情影響到我既胃口，我EQ都幾高下haha)。睇落的確唔錯，漬物好弱唔入味; 味噌湯好濃味噌味而且裏面有大量肉碎，整體夾得好好，但亦都係全個定食唯一值得表揚既物。溫泉蛋!?真係唔係咁buy….除左佢外表似隻煮過既蛋之除，我唔係好分到佢同隻生蛋有乜分別 lor……….入正題，魚生飯d魚生都冇乜問題勉強都算唔錯，三文魚d油反晒光咁，都幾肥美、甜蝦帶子刺身亦幾鮮甜、魷魚不過不失啦。
但最失敗始終都係飯，好硬，醋味嚴重不足，食落口完全唔似珍珠米，令人失望。如果要讚都仲有野可以讚下既，就係Wasabi，味道好純唔太辛辣，裏面有很多”籽”，如果話佢地真係有用山葵磨成Wasabi都可以一信。好可惜，Wasabi幾好都冇用，點都唔會影響到全餐飯既味道，最多只能錦上添花，但絕對唔可以扭轉乾坤呢!!
青苹果蘇打，送的，作為補償我的等候時間店內掛滿”築地市場”等唔同招牌，刺身質素又全完冇得比，我覺得佢地一係唔好標榜同”築地市場”有咁大關係，一係盡全力提高店內食物水準啦。最最最起碼都煮好個飯先啦。但以9:30pm後6折，$100有找o黎講，可以接受啦，推介就免喇........
築地市場魚生飯!?咪玩啦 XD......
张贴
