更多
2013-08-19
36 浏览
出咗名先去预咗要等，亦要面对水准不稳定嘅情况。殊不知等咗四十五分钟都未见奶茶踪影，当然碟饭都一样未见影，比我迟落单嘅人都已经饮紧饮紧，再问下阿姐之后下终于见影。奶茶方面，茶身偏薄，茶味唔够香浓，但胜在够滑，可惜未算系我杯茶。除咗已经喺宇宙消失，位于彩虹村嘅钻石冰厅杯奶茶之外，暂时较合自己心意嘅奶茶，就系位于观塘嘅华汉茶餐厅，水准算稳定，每星期去一次，四次嘅水准都keep倒，只系有一次跌咗10%左右。除咗奶茶，仲叫咗一碟凉瓜牛腩饭，因为阿姐话唔驶等太耐，其实咪又系等咗四十五分钟。呢碟饭真系多谢晒，个汁都唔知用咩煮，好迷幻，最大问题系啲牛腩已经变坏咗，只好放弃。本来想提一提佢哋唔好再卖比人，不过佢哋连收钱都冇时间，所以都系算吧啦。环境方面，其实对住个绿草如茵嘅小径，系相当唔错，可惜太多渠位，搞到比较多嘢咬，再加上同场上演爆渠，搞到又湿又臭，令我咋咋淋饮完杯奶茶就即走。服务方面，同一时间咁多人唻帮衬，啲阿姐都算系好脾气架喇，除咗要等四十五分钟至一小时之外，都算系合格架喇。
出咗名先去预咗要等，亦要面对水准不稳定嘅情况。殊不知等咗四十五分钟都未见奶茶踪影，当然碟饭都一样未见影，比我迟落单嘅人都已经饮紧饮紧，再问下阿姐之后下终于见影。奶茶方面，茶身偏薄，茶味唔够香浓，但胜在够滑，可惜未算系我杯茶。除咗已经喺宇宙消失，位于彩虹村嘅钻石冰厅杯奶茶之外，暂时较合自己心意嘅奶茶，就系位于观塘嘅华汉茶餐厅，水准算稳定，每星期去一次，四次嘅水准都keep倒，只系有一次跌咗10%左右。
除咗奶茶，仲叫咗一碟凉瓜牛腩饭，因为阿姐话唔驶等太耐，其实咪又系等咗四十五分钟。呢碟饭真系多谢晒，个汁都唔知用咩煮，好迷幻，最大问题系啲牛腩已经变坏咗，只好放弃。本来想提一提佢哋唔好再卖比人，不过佢哋连收钱都冇时间，所以都系算吧啦。
环境方面，其实对住个绿草如茵嘅小径，系相当唔错，可惜太多渠位，搞到比较多嘢咬，再加上同场上演爆渠，搞到又湿又臭，令我咋咋淋饮完杯奶茶就即走。
服务方面，同一时间咁多人唻帮衬，啲阿姐都算系好脾气架喇，除咗要等四十五分钟至一小时之外，都算系合格架喇。
张贴
