上野鐵板燒專門店 (已結業)

喺旺角食晚饭好麻烦，周围都好多人。见呢间上野有位，睇Menu又好似唔错咁，就入咗去。由于食饭之前食咗少少嘢，所以我地只系Order咗3样嘢：烧羊架、烧鸡软骨、牛油炒金菇。等呀等呀等，等咗20分钟都未有嘢食，叫个侍应帮我地催催，佢先喺厨房拎D羊架出嚟比师傅烧。再等多10分钟都未有嘢食，再催，个经理就比碟牛油炒金菇我地。我地等到冇晒胃口，就同经理讲话如果未煮就Cancel咗未上嘅嘢，佢又话煮紧，但系都要等多10分钟先有。牛油炒金菇 $38几香牛油味，不过份量好少。烧鸡软骨 $48$48嚟讲算细碟，仲要系用叉烧酱嚟烧！鸡软骨配叉烧酱，好怪呀！我地食咗几粒就冇食...烧羊架 $98呢个算系比较好，师傅将羊肉切好一粒粒先上碟。羊肉好肥，食头几件都OK，够膻，又入味，不过食多几件就好油好漏喇。埋单二百几蚊，本身食物已经唔值，等咁耐更加值得比个喊佢。