吉列牛忌廉烏冬專門店 (百樂中心)

我已經係第二次嚟呢間野食，第一間旺角，第二次係銅鑼灣呢間，我7點左右嚟到，我話兩位，當時我望入去，只有兩枱客，我見個waitress 無反應，所以諗住行入去，點知佢就一句：「等帶位！」黑口黑面咁。

我入到去坐低，見佢又唔講qr code落單，就咁擺低就走咗去。

食到咁上吓，有枱客想叫佢，點知佢耳仔帶住airpod，之後要個客行過去叫佢佢先有反應。

有枱新客坐我地隔離，個waitress攞盆食物過嚟，個客人仲loop緊手機無為意，佢叫咗兩聲見個客無反應，竟然大大聲再講多次，周圍既人都聽到。

帶新客入坐黑口黑面，又帶住airpod做野，想點？

我明白生意難做，但係得一個staff，做到西口西面咁不如摺咗去，我點解要睇你面色食飯。