入到去咁岩坐返上次坐嘅位，今次足之叫紫薯窩夫同紫薯飲品啦！上菜嘅時候店員一次過拎兩份窩夫嘅關係，唔小心令個豆腐雪糕球碌左落黎，咁岩碌左落pat cream度，都幾好笑，佢好好人咁問洗唔洗整過份俾我地，其實只係好少事佢都有問，所以我覺得服務好好，哈哈！我地梗係無換啦，無謂浪費食物嘛！
真係岩岩好碌左落pat cream度，平時係係窩夫上面的！
豆腐雪糕球好有豆腐味，窩夫中間夾左d紫薯，軟林林幾有咬口，個窩夫外皮好脆，係我鍾意食嘅外脆內軟！淋左d焦糖碎上去好似食糖咁好得意！
牛乳雪糕紫薯飲品，幾好飲，慢慢嗲有紫薯味，牛乳雪糕同上次一樣好有奶味，仲有紫薯粒配襯！
題外話，食嘅期間見到夏雪提供大量尿袋俾客人叉電話用，好sweet！呢度食物又好，環境又好，服務又好，我間唔中都會再返黎幫襯！希望keep到水準
