今次係我第二次回訪呢間元朗台灣菜小店叫「羅東肉焿番」，呢間小店入面空間唔算好大，但輪椅人士都可以入到去，小店門口有一級，如果輪椅人士要入去食野嘅話，就要自備斜板啦！
1.胡椒雞腳豬肚湯刀削麵$66+鹽酥大雞扒$19+凍珍珠奶茶$8（9.5/10）
呢個係自選午市套餐，我揀咗胡椒雞腳豬肚湯刀削麵入面配料真係多，有4隻雞腳、4舊豬肚、紅蘿蔔同生菜等，刀削麵唔會似其他餐廳好硬，你仲口感似河粉咁滑，胡椒如果落多少少就更好！
套餐仲可以加$19有勁大塊鹽酥大雞扒，一遞上枱之前已經幫我哋剪好六條雞扒，雞扒炸得好酥脆，肉質嫩滑juicy！
飲品揀咗加$8凍珍珠奶茶，珍珠好煙韌，無硬心，奶茶夠香滑！
2.紅燒牛肉湯米線$60+凍仙草奶茶$8+迷你仙草芋圓$20（10/10）
呢碗紅燒牛肉湯米線個牛肉勁淋，其他配料仲有流心蛋、紅蘿蔔同生菜等，仲加咗$8一碗迷你仙草芋圓，以為叫得迷你原來都唔迷你，足夠二人份量，入面除咗有三色芋圓之外，仲有仙草同紅豆等！
3.金磚肉鬆芋泥西多士$$45（9/10）
呢個肉鬆芋泥西多士上面肉鬆勁多，反而入面芋泥無爆餡，如果芋泥再多少少會更好食！
2人總共價錢$226
個人口味總評分：9.5/10
地址：元朗鳳翔路69號建輝大廈地下5號舖
