R.I.M.K (已結業)

今日去左位於旺角既R.I.M.K.，位置夠哂方便，而且Lunch 仲做緊推廣，叫一款Pasta或者Risotto就可以免費升級做套餐，會包埋餐湯同餐飲，另外仲可以用推廣價叫甜品，所有甜品第一件係半價，第二件就只需$1。招牌名古屋蒲燒鰻魚蛋包意大利飯($158)蛋包飯食得多，但蛋包意大利飯都係第一次試，意大利飯咬起黎有彈性，又有Creamy既口感，加上芝士同雞蛋，原來又幾夾。鰻魚大大條又厚身，加上鰻魚既蒲燒汁香濃，味道唔錯。海鮮忌廉汁扁麵配挪威三文魚($118)忌廉汁掛麵，每條麵都有醬汁，濃郁香滑，加上有好幾款海鮮配料，好豐富。雪糕格仔餅($38,優惠價$19)雪糕格仔餅原價要$38, 但只要叫主菜就可以半價。雪糕有兩球，仲可以自選口味，我地就揀左朱古力同雲尼拿。朱古力雪糕味道唔錯，幾濃滑。格仔餅口感鬆軟，配埋雪糕食一流。呢個價錢真係超抵。日式芝士蛋糕($32,優惠價$1)叫第二份甜品只要加$1，所以我地都加多個芝士蛋糕。芝士蛋糕無餅底，蛋糕味道輕怡，質感柔軟，加上忌廉增添口感。