Erawan Thai Premium (已結業)

好朋友为我庆祝生日，他选了这间泰国菜菜馆，据他说也是同事推荐他选这一间。大家都系第一次来，所以都要揾咗一阵先揾到，这店是位于大厦嘅4楼，所以不容易从街上可以看到。菜式全都是朋友所选，第一道是蒜香炒蚬，平常好少食蚬，怕会有沙，不过这里嘅蚬就非常干净，而且蒜香味适中，唔会盖过蚬嘅鲜味，蒜汁原全渗透每一只蚬内。食蚬之余，我哋仲用蒜汁嚟送泰式薄饼，一啲都冇浪费整碟𩠌！再嚟一碟串烧鸡肉，虽然已经冻咗，但系一啲都唔干硬，鸡肉依然有汁，不错。这个青咖哩牛腩，系我第一次食，我之前食都会选鸡肉，不过这个牛腩都唔错，咖哩香，牛腩滑。另外一碟系炸虾饼，呢道系我至爱嘅泰菜，不过呢度做嘅虾饼就麻麻地啦，里面好干，好似翻炸，所以没有清碟，系全晚唯一冇清碟嘅菜。最后系冬荫公汤，好奈冇饮过咁正嘅冬荫公，酸辣适中，其他配料好新鲜，我连饮两碗。综合嚟讲，呢间餐厅嘅环境唔错；地方大，分室内及室外两部份，客人可选择系室外或室内用餐，坐得又舒服，香港好难有这样嘅餐厅。