譚仔三哥米線 (吉祥樓)

营业中

休息中

唔係喺呢邊落車都唔知世宙附近開左三哥，地方幾大唔使等位，橫掂未食晚飯就食下佢啦。豬潤米線酸辣湯底，三哥真係好大碗，個碗大，啲料又多，食到落底都有豬潤，廿幾蚊碗超抵食。豬潤嫩滑非化學加工，米線彈牙，係湯底淡左啲，一向重口味嘛，酸味比辣味重，自行加添了一點辣油加加味。另一碗要左炸醬米線酸辣湯底，炸醬甜辣適中，無乜肥豬肉，但同樣湯底較淡，撈左炸醬又ok喎，大大碗超飽。最驚喜係呢間分店員工態度好好，有禮貌，落單清晰唔會雞同鴨講咁，食到收檔都無趕客。