沙嗲王 (已結業)

星期六下午來食野,入面黑麻麻,裝修唔錯,有點像樹林,仲以為有下午茶餐tim,點知無,唯有散叫,兩個人叫左白咖哩豬扒金邊粉,脆蝦棒,越式粉包,等左好耐先有野食,係逐樣逐樣咁來,唔知係咪故意呢!脆蝦棒即係蝦春卷,但細條d,蝦都唔少,不過好似唔夠平時食開的春卷咁脆口;粉包面頭有d豬肉鬆,蒜片,入面包住冬菇,肉碎,味道唔錯,不過可能蒸得唔勻,中間個件個皮林d;白咖哩豬扒係招牌菜,一定要試啦!本來想配飯,因為有咖哩汁嘛,但又唔想食飯,要湯粉啦!點知都ok,湯底夠味,有咖哩香,豬扒都好香香茅味,夠味,但我諗落左鬆肉粉,所以咬落肉質好鬆,口感怪怪的,整體上都ok的,佢食滿$20送$2 coupon,都幾抵,可以累積來用!