渝味曉宇重慶老火鍋 (創紀之城五期) (已結業)

店面裝修唔錯俾人感覺好衛生。但係抽風個系統好似有少少奇怪好似抽唔到啲味道上去咁。一開始呢就會俾茶你飲嘅調味料呢就喺側邊，十分方便。我點嘅套餐係$98，1人火鍋。成個套餐奉送汽水一罐。由於我唔係食牛所以我就叫咗黑豚腩肉。喺打邊爐之前佢仲會送碗糖水俾你飲咗先。由於係一人邊爐。所以就冇用到個電磁爐，轉咗做gas爐。呢度留意番鴛鴦鍋係唔使加錢，所以我就專登去試佢個麻辣火鍋。唔試唔知道真係好辣。實在太勁，佢會辣到個人個嘴腫咗。冇乜鹹味我只係食到辣味。份量非常之足料，佢附送嘅嗰個麵我係食唔晒。黑豚腩肉不過不失，但係硬係覺得汽水配火鍋就會怪怪地。總體來講係性價比之選，有齊肉同菜之餘鴛鴦鍋唔使加錢。