川味美食

一直以黎都唔喜歡食米線, 但係有次喺三哥食過紅薯粉, 一直念念不忘,
可惜三哥太貴, 一直都得唔抵食

突然有事出荃灣, 完咗之後都唔想周圍搵野食, 經過見有位, 就入去試下啦~

就叫咗碗撈幼紅薯粉, 加腐皮加雞絲

落單嘅時候叫咗走青, 蔥同莞茜都冇晒, 有d辣肉碎, 芽菜同花生, 撈下撈下又ok喎~

成個麵因為個肉碎搞到少少辣, 都幾開胃. 腐皮同雞絲都ok多

d紅薯粉好煙韌, QQ咁, 一碗食咗我好耐, 同好飽肚

我俾佢4/5分啦, 以米線黎講都高分啦~