呦呦鹿鳴布丁燒

营业中

休息中

睇网评讲到唔错，即管试下，葵广三楼在为食街，都算易揾。一次过试五款口味，系Tiramisu味只有堂食不能外卖。堂食系立食不过有纸碟有匙羹俾埋你，招呼周到。点解要纸碟？因为布丁烧要倒出来倒转食，咁焦糖先可以流去中层既布丁同低层既芝士蛋糕。买左八杯送粉红冰袋加冰种，个袋都几靓仔。榴梿味系用新鲜榴梿做，唔过得夜，其他可以雪两日。伯爵茶系最唔甜，啱我口味。咖啡味都好咖啡，系蛋糕部份细左些少。还有朱古力同温呢嗱味都好正，朱古力味较甜啱小朋友。无试到招牌椰青味，个人唔好呢个味道，$38一杯都值回票价，支持下小店。