朋友話未食過田雞麻辣火鍋
我就一於帶佢去試吓
位置好方便喺尖沙咀厚福街嗰度
H8嘅一樓
佔地面積都幾大幾寬敞
坐得舒服環境唔錯
仲有幾個卡位
湯底就叫咗招牌牛油湯底
有隻好得意嘅橙色青蛙
其實就係牛油嚟嘅
加埋落去麻辣湯底
咁就會更加香
特色牛蛙
價錢公道一隻先$38
仲要好多肉
職員就話煮3分鐘
不過呢我就覺得煮10分鐘左右
更加入味更加好食
朋友有啲驚不過其實完全唔使驚
因為同雞肉差唔多仲有啲甜味
放學小肉 30串
比較特別喺香港比較少食到
炸完之後香口
饞嘴烏雞爪
呢個雞腳係全黑色㗎
但係因為用咗烏雞
非常之惹味嘅前菜
老成都人氣香腸
食落勁juicy
咬落去嘅口感都幾特別
食落去有少少似臘腸
不過係好食好多嗰隻版本😂
另外今次覺得最好食嘅分別係下邊呢兩款
手工烏雞卷
呢個係第一次食
唔係一直一隻雞而係類似一片一片嘅雞肉片
食落去估唔到咁爽口 同埋真係好好食
職員話係將個雞肉同烏雞片整埋一齊然之後變咗一片片
自家製雞豆花
呢個超級無敵好食
本身唔知係咩嚟㗎 以為係豆腐
原來係將啲雞肉打成蓉 跟住整到好似一粒粒豆腐咁
食落去超級無敵嫩 口感真係似豆腐
不過係激濃口感 但係唔知點樣用個口味
都係第一次食 不過超級好食 一定會再叫
食到咁辣點算好？
叫咗個創世紀冰粉
係呢間鋪嘅主打
用咗奶茶底同埋有好多唔同配料
甜甜地都幾解辣
