一場嚟到，當然要嗌佢嘅招牌飲品，下面係黑糖珍珠鮮奶，上面係芝士奶蓋，再加一堆花生同芝麻碎係面，舖到超滿，超足料😝 雖然已經嗌左微糖，但佢嘅黑糖珍珠都偏甜，所以微糖就剛好！而撈埋啲花生碎同芝麻碎一齊飲，每啖幾乎都有花生同芝麻嘅香味，再加上口感真係無得輸，又咁多料，抵飲！
1
另外，我哋仲嗌咗杯青心烏龍，加芝士奶蓋，由於嗌咗無糖，飲落茶味都幾出，唔會太澀，有淡淡嘅清香，再撈埋面頭嘅肥仔奶蓋，十分creamy，確實幾唔錯👍🏻總括而言，️呢間台中過江龍茶飲店好推薦比鍾意花生或者芝麻嘅朋友，味道好出好香濃，加上佢哋啲店員真係落足料，性價比都算幾高，不過位置就偏遠，得閒去開PMQ就可以去下啦😌
