影片
更多
2025-05-23
395 浏览
第一次同屋企人參加海上觀光遊輪🛳️仲有埋自助餐食，開頭以為起碼成千蚊點知四月原來只係$370/成人，長者用悠遊卡仲只需$270/2位！大癲！ 星期四晚上船，本地人同旅客各佔一半上雪船就可以開始食自助餐，食物種類比預期多連小龍蝦都有，又有其他海鮮，湯品、即切牛扒、即煮喇沙麵、即煎青口、串燒等等，冷盤前菜同甜品都好吸引🤩 大家都無爭搶嘅情況，因為廚房會一直refill食物，有時會出新菜式添！ 香港嘅#幻彩詠香江 於每晚8時開始，差唔多時間就可以行上甲板欣賞香港嘅百期夜景，仲可以睇勻港九兩邊嘅燈光效果～呢個時候當然係打吓卡啦📸 香港嘅夜景係無敵㗎！ 自助餐期間會有Live Band表演🎤先會唱下慢歌，之後就快歌💃🏻好多人都出咗舞池同歌手起舞，我估唔到個氣氛係會咁熱鬧、好有活力😆 到咗9:30pm 就開始落船啦，但係職員話其實係可以食到10:00，啲食物因為不停refill，所以其實仲有好多嘢食㗎！我嘅屋企人即晚就話下次要再去！咁抵玩，無問題啦～等我留意吓五月有咩優惠先！ 另外碼頭有隻貓船長角色，有隻放養嘅貓，但今次遇唔到佢，下次再撞下佢先～🐱 前往方法：北角地鐵站A1出口，向前面北角匯方向前進
仲有埋自助餐食，開頭以為起碼成千蚊
點知四月原來只係$370/成人，長者用悠遊卡仲只需$270/2位！大癲！ 
星期四晚上船，本地人同旅客各佔一半上雪船就可以開始食自助餐，食物種類比預期多
連小龍蝦都有，又有其他海鮮，湯品、即切牛扒、即煮喇沙麵、即煎青口、串燒等等，冷盤前菜同甜品都好吸引🤩 大家都無爭搶嘅情況，因為廚房會一直refill食物，有時會出新菜式添！
香港嘅#幻彩詠香江 於每晚8時開始，差唔多時間就可以行上甲板欣賞香港嘅百期夜景，仲可以睇勻港九兩邊嘅燈光效果～呢個時候當然係打吓卡啦📸 香港嘅夜景係無敵㗎！自助餐期間會有Live Band表演🎤先會唱下慢歌，之後就快歌💃🏻好多人都出咗舞池同歌手起舞，我估唔到個氣氛係會咁熱鬧、好有活力😆
到咗9:30pm 就開始落船啦，但係職員話其實係可以食到10:00，啲食物因為不停refill，所以其實仲有好多嘢食㗎！我嘅屋企人即晚就話下次要再去！咁抵玩，無問題啦～等我留意吓五月有咩優惠先！
另外碼頭有隻貓船長角色，有隻放養嘅貓，但今次遇唔到佢，下次再撞下佢先～🐱前往方法：
北角地鐵站A1出口，向前面北角匯方向前進，沿岸向右行1-2分鐘，應該就會見到架船同碼頭㗎～
张贴
