南翔饅頭店 (已結業)

本來都唔打算幫襯, 因為諗起響上海城隍廟排隊排到癲先買到果d小籠包實在太厚皮, 好驚又係食返同一樣既野, 不過裝入鋪頭, 見到其他食客食緊果d小籠包都好正常, 先至放心入去試下。我同大少都唔係太肚餓, 所以只係叫左少少野食。馬蘭頭係一種前菜, 其實我真係唔知駛唔駛伴d咩一齊食先叫正宗, 因為我只係一大匙咁畢入口! 麻油味好香濃, 如果叫碗白飯黎撈, 應該都會好好食!鮮肉小籠包既皮比預期中薄, 因為響上海食果d真係厚到好似食緊一舊麵糰咁! 雖然汁唔算多, 不過d肉都好新鮮, 但係我始終都覺得翡翠拉麵果d小籠包比較皮薄多汁。蒸饅頭好軟熟, 點鍊奶食真係一流!鱔糊有好多鱔, 唔油膩, 最怕有d鋪頭剩係得銀芽同韮黃, 兼且炒到成碟油。