譚仔三哥米線 (大興商場)

营业中

休息中

譚仔呢家都有得叫外賣，咁岩今日返工就一於試下啦！係外賣平台叫譚仔比堂食貴差唔多10蚊碗，不過無辦法啦，返工食黎食去都係canteen，貴少少都試下，獎勵下返工咁辛苦麻！ 今次叫左個四人套餐，包4碗2餸米線、大土匪、手拍青瓜同4杯野飲米線叫左竹笙雞肉麻辣10小，竹笙吸曬湯既精華、超入味，雞肉唔鞋口，不過呢間湯底就咸左少少。青瓜叫左重慶口水味，麻麻地、唔算好辣，成個汁都夠味👍🏻👍🏻配埋青瓜爽口多汁，正！另外再叫左蒜泥白肉，唔怕口臭就一定要試喇，蒜蓉加埋啲辣油超香，連埋切到超薄既五花腩，超惹味👅不過調味都係偏咸，要飲返多啲水補充返先得💧💦