由於朋友係隂近做野,約佢食飯,為左方便佢,又黎呢度。
原來呢度有好多唔同款式米線,真係包羅萬有,而且幾有特色,出面未必有得食,唔錯!好似我咁,揀左竹笙鮮茄什菌米線,貪佢夠新鮮,係其他食店從未見過...
米線都幾大碗,個魚湯底幾好味,夠鮮甜,而且清,果然有一件件茄,五件左右,唔係多,但係真正新鮮,都算係咁,竹笙唔預佢多,但都有幾片,ok啦!反而什菌比較多,主要係秀珍菇,仲有本菇同冬菇,又真係估唔到喎(無諗過有本菇)!成個米線都好好味!
朋友要左灼鯪魚球米線,都話唔錯,魚肉唔腥,清甜唔膩!
不過我要彈一彈...我點左個可樂,佢係一罐上再俾個有冰既杯,果罐汽水我都等左十幾分鐘至開,但係一開,成身濕晒!因為佢一開就爆晒d汽水出黎!照計等左咁耐唔會係咁,原來,我朋友發現因為罐汽水裡面結晒冰,所以會咁!我覺得有無搞錯!係咪罐汽水已經放响雪櫃好耐呢?成身係汽水,真係激死!希望呢d事件唔有下次啦!(因為呢件事,就算以食物計想俾個笑面,我都會拉番勻,俾OK算咯!)
以上食记乃用户个人意见 , 并不代表OpenRice之观点。
赞好
