大家食 (已結業)

今次寫既係位於旺角既 “ 大家食 ”。先講講佢既舖面，逼逼地坐得唔太舒服。不過，勝在佢既菜單多野揀，而且有宵夜時段，唔洗逼住食 McDonald 既熱氣野。我揀左呢個油渣面，湯底入味奈何就油左啲，減低左人既進食意欲。但係，因為湯底咁油，正正勾起左我既童年回憶 --- 行行下街係街邊車仔檔買一碗油渣面咁，同樣風味，同樣嗱喳。而面換左做刀削面，則帶來了另一種感覺，感覺上都係油面夾啲。