都島屋

营业中

休息中

今日想宅係屋企但屋企又冇啖好食，就出咗去附近商場買外賣。呢間餐店主要賣炒麵，燒餅同八爪魚球，餐牌最貴都係44蚊，好抵食。原本諗住堂食埋，但係見到堂食已經full曬，都係放棄。叫咗Set B 燒餅/奄列炒麵同Set D 炒麵/八爪魚球，燒餅料唔算多，得1,2塊肉同野菜，比較多粉。炒麵啲醬汁濃郁好好味，麵嘅硬度適中，幾彈牙，加埋奄列個蛋滿足感大增。八爪魚球入面有大大粒八爪魚，食落有口感，而個粉團都幾綿，唔錯。相信係堂食熱辣辣會更好食。