KC Cafe (已結業)

大家都知我係一個窮鬼，窮就乜工都要做，最近當然係做月餅送貨員啦，今日送到觀塘一間樓上鋪，店內主要賣韓國護膚品、衣服、食物等，店内另一邊是一間小型Cafe，環境清靜，仲有熊大陪你食，又有韓文歌聽，都有好多特色小食、甜點、飲品供應，不過要去返另一邊收銀處購票後，再行返去Cafe俾單，再揾位坐低等食，我是一個窮鬼，所以點了第二最平嘅芝士蛋多士($18)，而最平係$16嘅棉花糖多士，但我對棉花糖興趣不太，所以食蛋多士，其實最平食物應該係馬卡龍，$8一件，不過起碼三件($24)先有飽肚感覺。等了十分鐘，芝士蛋多士到了，單看賣相平平無奇，但將脆脆的多士一切開，蛋汁在半溶芝士下流出嚟，味道好夾，我很喜歡食芝士及半熟蛋，這個正合我心意，$18堅抵食，點解無飲嘢，因為無錢同有冰凍蒸餾水供應。